عراق اكســــــــــــــــــــــباير

السلام عليكم

قصيده اتمنى تعجبكم

عراق اكسباير

معقوله نموت بها لزمن كلنه

اكسباير بلدنه وكام يكتلنه

جاوبني بصراحه ولا تلف ودور

وماريدك تكلي الشيعه والسنه

هذا اقبح عذر ومبينه الاسباب

سعى الموساد والله بصنع هالفتنه

نقطلي الحروف وصحح الالفاظ

لغة صوت البنادق غير المعنه

عشناهه مناحه وجوع ياكل جوع

ونبيع بغراض البيت خلتنه

البوك من النفط بس الله يعلم بيه

وماكفاه...رد يبوك حصتنه

دول تسبق دول بس تخدم الانسان

ودولتنه على الفانوس ردتنه

يعزونه اليموت بكارثه منتصير

ولا دوله على هذا الصار عزتنه

جاوين الحكومه وبرلمان البوك

لاردنه العنب لا حته سلتنه

بس ردنه نعيش بأمن واستقرار

بطلنه المطالب اي وحك جدنه

بس رايد نفس اتنفس بهالكاع

لو غالي النفس صار على دولتنه

معقوله جهنم حطت ابغداد

وملك الموت ظل بس لينه يتعنه

بلدنه اجمل بلد واعظم بشر سكنوه

واكسباير صدك طلعت حكومتنه

اجمل تحياتي