أتعودينة و موبدينة

قصيدة موبدينة قصيد تحكي طيبة أهالي الشامية فأرجوا أن تطلعو عليها وتقولو شنو رأيكم
القصيدة منقولة

اِبشوگنه انغطي اليجينه اتعودينه

موبدينه....

هذا طبع الناصريه مو بدينه

نفرش الدلال للخطار لو سيّر علينه

وننطي ماي العين لليطلب يجينه

يا هوانه اِمعطر ابشيمة أهلنه

اِبريحة الخرّيــط ..والبردي وحنينه

ويا عمرنه ......

اِبشوگ منذورات للطيب اِسنينه

وبينه....بينه

كل جهاد...وطيبة الحبوبي بينه

وشارع الزيتون مشاية صلح

ممنون لليزعل علينه

اتعودينه ......

اِشما ثگل ظيم الليالي وزاد نرتاح الونينه

اِشما كبر بينه الجرح نتباهه بيه

حته لو تيزاب كترينه

وسولة المجروح عدنه

اِبجرحه يتباهه اِعله وكته

وفرحه ...فرحه اِيبوس سچينه

وللغريب اِضلوعنه خيمة محنه

وبيه ترتاح المدينه

مانبالغ هاي سوله اِمن الفرات اِتعلمينه

اِشما كبر وي جرفه غيضه

اِيفيض خير اعله صوبينه

واحنه بيه اِتأثرينه

وسوله صارت بينه بينه

مو بدينه......

هذا طبع الشامية مو بدينه

مووووووووو بدينههههه

Like a Star @ heaven