احمد الحاج
المراقب العام
عدد الرسائل : 287
العمر : 37
البلد : Iraq
العمل/الترفيه : قفاص
نوع جهازك النقال : Nokia N72
تاريخ التسجيل : 24/05/2008
 | موضوع: قصيدة للغالية  الجمعة نوفمبر 28, 2008 8:13 pm | |
| اسف ارد اكلك يالتريد اتفوت
محجوز الكلب بس الشخص واحد
كرسي بهل كلب مابيه كرسيين
وعليه صدّك عزيز الروح هل كاعد
واعدني الحزن . بس من لكيت هواي
صرت وي الفرح يوميه متواعد
مو تدري علي شما يمر تموز
جي بالكلب ولفي ينكلب بارد
هسه الحمد لله العكل ردلي بساع
العكل فتره طويله عليه ضل شارد
بس المشكله شما اروه منّه حروف
احّسنهن قليل واطمع بزايد
مالك كل مكان بكلبي ابعد روح
خلني وي الولف من عندي شرايد
علامة ناقص الايد من امدهه تشوف
ومن يتوسّد ايدي تنكلب زائد
جم مرّه الكلب اذّن اذان الشوك
ويم محراب حبّه الكلب ضل ساجد
اهو ملح المودّه الغزّر بهل روح
مامرّه الضغط من هل ملح صاعد
طيّر كلبي بيده وضنّه كلبي يشيه
وهو يدري بدليلي معلّم وجالد
دوّر غيري روح عليك داحي الباب
ماخون الولف راية عشك عاكَد
حبّيت الشبج جي طول عمر وياه
غير الي عشكته الشبج ماصايد
هو اهلال عيدي شما تشوفه الروح
تتعنّه الدليلي ارويحتي اتعايد
_________  | |
|
