عشق المخابيل

عشكتج وانه جاهل وبربيع صبـاي
والجاهل يصيـر مسـودن بعشكـه

ما شفتج ولكـن سولفولـي هـواي
عنج بت حمولـه وحلـوة الملكـه

ومرات الاذن معروفه كبـل العيـن
تعشك والخضـر واليابـس تحركـه

وكمت اتخيلج وارسم صور من شوك
مره الكاج صوره ومـره مـا الكـه

مره عليج اكولن من بنـات الجـان
ومره اتصورج مـن الكمـر شركـه

ومره ويه الشمس خليتج وساويـت
لن شفت الشمـس كدامـج مدنكـه

ودورت الوسيعه من العرض للطول
ودوارة غشيـم مشرعـب بحركـه

ماشفت التشبهـج والله يـا بغـداد
بس بغـداد تكـدر حسنـج تلحكـه

واحلم جنت اشوفج واكعد انه ويـاج
هم نتلاكه يوم وتنكضـي الفركـه؟؟

واجه اليوم النطرته وفصليت الثوب
ولبسته وبيـه ردت للغاليـه اتلكـه

لجن ما فلح حظي وزمـان الشـوم
خاملني وغفل ثـوب الفـرح شكـه

كبل جنتي انتي حره وبالقفص داعيج
عالباب انتضـر مـن الفـرج دكـه

واجاني الفرج لجن من اجاني شلون
لمن جسر وكتـي وحطـج بحلكـه

مع تحيات

اخوكم

مقداد السعدي

القصيدة للشاعر كريم الجحيشي
من مدينة العنبر الشااااااااااااااااميه